ابويوسف99

حياة الإنسان لا تخلو من بعض المواقف الطريفة والمضحكة في بعض المناسبات .. تعآلوْآ شوووووفوْآ موآقفْ بعض البنآت فيْ شهر العسلْ

بصراحة .. هي مواقف تفشْل ! وأتمنى أنكم تستمتعوا بقراءتها وتأخذوا منها العظه والعبره ياااا بنات







وحده تقول زياراتها للمطاعم مع اهلها كانت قليله المهم ..


اول ايام زواجها دخلت مع زوجها المطعم قال زوجها للجرسون جيبلي منيو وسألها وش تبين؟ قالت مثلك ابغى منيو < - الله يفشلْ العدو


بس تكفى لايحط فلفل .. زوجها تسدح من الضحك وهي تقول احسبها وجبه او طبق معين !!




وحده شعرها دايم يحتاج له استشوار لأنه غير ناعم المهم السشوار خرب ما أدري وش صار فيه ..


لكن ذكاءها قادها لفكره جهنميه تدرون وش سوت ؟!


راحت على طاولت الكوي وانسدحت وصارت تكوي بهالشعر


وبرضه زوجها سوى لها صادوه يوم دخل واختنا في الله تكوي منسجمه


الرجال انهبل على باله تزوج وحده ماهي صاحيه
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها ..


المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل


وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه << - المسكينه توهقت
المهم طارت الزيتونه وضربت وجه الجرسون وهو ياخذ الطلبات .. قام قال عنا في لبنان ناكل الزيتون بايدنا ..


ومن زود الثقة أنا ما سكت وأنثبرت قلت غريبه حنا عنا بالسعوديه نصيدها بالشوكه


وزوجي ماسكها علي للحين كل ما شاف زيتون قال هاه بالشوكه والا بيدك






وحده تقول انا متزوجه ولد عمي .. و أول ما تزوجنا رحنا بريطانيا منها شهر عسل ومنها هو عنده دوره


المهم تقول مره دخلنا المطعم واخذت المنيو وقعدت اطالع الكلام وكله انجليزي وانا ما اعرف ولا حرف بالانجليزي


تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار


قلت ليش طايحه من عينك ؟!! انا اعرف اختار المهم تقول اخترت طلب محطوط في اطار وحركات


قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي


تقول قالها طيب ابشري وهو يضحك ويوم جابوا الطلب .. زوجي عطوه مكرونه وحركات وانا وجبة أطفال !!








هذي وحده تقول اول ما تزوجت كنت ادرس وكان يوديني زوجي للجامعه وياخذني المهم ..


انا جالسه انتظره وكنت واقفه في الشارع واشوفه بعد كم سياره المهم جلست استـناه


يوم وصل عندي وانا امشي بغنج الا واطيح ذيك الطيحه طراااااااااااااااااااااخ


جلست على ألارض أطالعه وهو ما يشوف الا راسي من خلال شباك السيارة والرجال ما تحرك !!


وكان الشارع مليان رجال وبنات .. ومن ركبت معه في السياره وهو ميت من الضحك واجلس اصيح قلت ما تعرف تسمي علي ؟!!


يآنذل هالرجآل بدآل مايسمي ع حرمته يضحك عليها



وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة ..


طاحت بنفس المكان قال لها عمى ما تشوفين !!


( منقووووووول )
ملطوش